Ekspozita
Çfarë duhet të dini për ekspozitën personale “Pëshpërima e paqës” nga R.C. Anaider
Konsullata e Përgjithshme e Republikës së Kosovës në Gjenevë organizon në ambientet e saj ekspozitën personale «Pëshpërima e paqes» të artistes R. C. Anaider nga data 27 nëntor – 8 dhjetor 2023, shkruan albinfo.ch.
R. C. Anaider është një artiste abstrakte ekspresioniste, shkrimtare dhe poete, që jeton në Gjenevë të Zvicrës. Ajo ka lindur në Shqipëri, ku zbuloi dhe filloi qysh në moshë të re rrugëtimin e saj si poete dhe më vonë si shkrimtare. Ajo është autore e vëllimit poetik «Nuk luaj me detin tim” dhe e romanit “Shpellat».
R. C. Anaider duke pasur si frymëzim kryesor dashurinë, shpalos talentin e saj si një artiste abstrakte, ku bie në sy koloriti tejet i larmishëm, simbolika e gdhendur prapa shtresave të trasha të bojës, të cilat përçojnë mesazhe të panumërta dhe pasqyrojnë botën e pasur të autores, duke na dhuruar me çdo vepër të saj një copëz nga universi i saj i pafund.
E shtyrë nga fuqia magjike e dashurisë, dritës dhe bukurisë, dhe duke dëgjuar intuitën dhe zemrën e saj, përmes veprave të saj artistike, Anaider krijon një lidhje të veçantë me të me ndërgjegjen dhe nënndërgjegjen e saj, me botën e saj të brendshme dhe të jashtme, duke synuar të përhapë energji pozitive, besim dhe lumturi.
R.C. Anaider ka pasur tashmë disa ekspozita në Zvicër dhe më gjerë, si dhe ka marrë pjesë në Panaire ndërkombëtare të artit, midis të cilave mund të veçohet Montreux International Art Gallery 2022 dhe Lausanne International Art Fair 2023. Artistja, e cila ka pasur gjatë 2023 edhe dy ekspozita personale të suksesshme, përkatësisht në Gjenevë me titullin «Katarsis» dhe në Morges në Galerinë e arteve Linea me titullin «Gjurmët e dashurisë», tashmë vjen me ekspozitën e saj të tretë personale, të titulluar «Pëshpërima e paqes» që organizohet në ambjentet e Konsullatës së Përgjithshme të Republikës së Kosovës në Gjenevë, nga data 27 nëntor – 8 dhjetor 2023.
R. C. Anaider do të takohet me artdashësit gjatë ekspozitës:
E hënë, 27 nëntor & 4 dhjetor: 10:00 – 12:00
E enjte, 30 nëntor & 7 dhjetor: 14:00 – 16:00
E premte, 1 dhjetor & 8 dhjetor: 10:00 – 12:00
Ju ftojmë të vizitoni këtë ekspozitë, ku hyrja është e lirë për të gjithë të interesuarit, gjatë orarit të punës së Konsullatës.
Adresa: Rue de Lausanne 63, Kati i 3-të, 1202 Gjenevë
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja