Çdo i tridhjeti banor i Zvicrës merr ndihma sociale

Kategoritë më të rrezikuara per të mbetur të varur nga ndihmat sociale janë si dhe më parë, fëmijët dhe të rinjtë, pastaj të shkurorëzarit dhe të huajt

Afërsisht çdo i tridhjeti banor i Zvicrës, ose kthyer në përqindje 3.2% jeton nga ndihmat sociale. Kjo është gjendja e regjistruar në vitin e kaluar dhe, sipas Zyrës Federale për Satistika, nuk ka ndonjë ndryshim nga viti paraprak.

Megjithatë, në numrat absolutë, për shkak të rritjes se nuumrit të banorëve të Zvicrës, ka një rritje të vogël të numrit te rasteve sociale, i cili ka arritur në 262 mijë sish. Kjo shifër dëshmon rritjen prej 2.7% në numrat absolutë, dhe kështu viti i kaluar ka qenë viti i gjashtë radhazi (nga viti 2008) i rritjes së numrit të personave të varur nga ndihmat sociale, bën të ditur srf.ch

Ndërkaq, ndryshime vihen re sidomos në kohëzgjatjen e shfrytëzimit të ndihmave sociale, që do të thotë ka një mesatare të rritur të kohës sa këta njerëz janë në varësi të ndihmave që u jep shteti.

Çdo i katërti shfrytëzues i ndihmave sociale kishte së paku katër vite të varësisë nga këto ndihma .

Kategoritë më të rrezikuara per të mbetur të varur nga ndihmat sociale janë si dhe më parë, fëmijët dhe të rinjtë, pastaj të shkurorëzarit dhe të huajt.