Çdo i gjashti zviceran, i rrezikuar nga varfëria

Përkufizimi “varfëri” i referohet kritereve të përcaktuara nga SKOS ( Konferenca Sociale Zvicerane dhe në këtë kuptim është nocion ekskluzivisht zviceran. Ky kriter përcakton se si kategori e rrezikut nga varfëria në Zvicër duhen trajtuar personat që kanë më pak se një të tretën e të ardhurave që ka mesatarisht populli në vend

Varfëria në Zvicër, ndonëse si përkufizim duhet marrë me rezervë dhe larg asaj çfarë në botë kuptohet si varfëri, është fenomen që ekziston. Kështu, sipas Zyrës Federale për Statistikë (BFS) në Zvicër çdo i gjashti person është i rrezikuar nga varfëria, shkruan azonline.ch. Nga ana tjetër, varfëria në vazhdimësi po shënon rënie të lehtë.

Kështu, nëse në vitin 2007 kanë qenë 9.3% të njerëzve në Zvicër që kanë jetuar në varfëri absolute, tash rreth 18% konsiderohen të rrezikuar nga varfëria. (jo: absolute), përcjell albinfo.ch. Këtë ulje të shkallës së varfërisë e kanë ndjerë më shumë të rinjtë deri në moshën 18 vjeçare. Në këtë kategori rreziku nga varfëria absolute madje është përgjysmuar.

Por sipas një përfaqësueseje të Caritasit këto shifra duhet marrë me rezervë. “Për realitetin e përditshmërisë këto shifra nuk tregojnë shumë, ne shënojmë nga viti në vit numër më të madh të këshillime të sferës sociale në veçanti në familje. Është mirë natyrisht të shihet se varfëria e fëmijëve ka pasur një ulje të lehtë. Mirëpo për një vend të pasur sikur Zvicra, shkalla e varfërisë megjithatë është tepër e lartë.

Përkufizimi “varfëri” i referohet kritereve të përcaktuara nga SKOS ( Konferenca Sociale Zvicerane dhe në këtë kuptim është nocion ekskluzivisht zviceran, përcjell albinfo.ch Ky kriter përcakton se si kategori e rrezikut nga varfëria në Zvicër duhen trajtuar personat që kanë më pak se një të tretën e të ardhurave që ka mesatarisht populli në vend.

Sipas Eurostatit, në vitin 2014 në Zvicër kanë qenë të rrezikuar nga varfëria 16.4 për qind të popullatës, që është ndër shkallët më të ulëta në Evropë. Më e ulët kjo shkallë është vetëm në vendet si Islanda (11.2%) Norvegjia (13.5) dhe Çekia 15.8%).

Mesatarja evropiane është 24.4%.