Calmy-Rey, në vizitën e saj të fundit zyrtare

Presidentja e Zvicrës, Micheline Calmy Rey, e cila është në detyrë deri në fund të vitit, ka nisur një vizite dyditëshe në Turqi.

Në vizitën e punës që do të jetë e fundit zyrtare gjatë mandatit të saj si presidente dhe si ministre e jashtme Zvicrës, Calmy-Rey me mikpritësit ka diskutuar rreth gjenocidit mbi armenët.

Ajo, në konferencën vjetore të ambasadorëve të Turqisë, të mbajtur të hënën në Ankara, ka folur për “deportimet tragjike dhe masakrat”. Sipas Rey, historianët janë ata që duhet t`ndriçojnë këto ngjarje.

Po ashtu, presidentja e Zvicrës ka folur me presidentin turk Gül dhe me ministrin e jashtëm të atij vendik Davutoglu edhe për marrëdhëniet ekonomike në mes të Zvicrës dhe Turqisë.