Integrimi
Bujari dënohet me 1 vit burg për qëndrim ilegal dhe punë në të zezë në Zvicër
Ai kishte shpresuar se para Vitit të Ri do të mund të shkonte në Kosovë ku e prisnin 3 fëmijët, por gjyqtari ia bëri të qartë se para kësaj, duhet ta vuajë dënimin me burg në Zvicër
Falsifikim i shumëfishtë i dokumenteve, shkelje e ligjit për të huajt, qëndrim i kundërligjshëm në Zvicër dhe disa herë punë pa letra. Kjo është lista e delikteve që i ngarkohet Bujarit 40 vjeçar (emri i koduar) i cili ndodhet në burgun për hetime, në Aarau, Kantoni Aargau. Gjykata e Qarkut në Bremgarten i ka shqiptuar atij javën e kaluar një dënim prej 12 muajsh me burg efektiv, shkruan azonline.ch.
Pas vuajtjes së dënimit, sipas ligjit atë do ta dëbojnë në Kosovë, gjë që në fakt edhe është dëshira më e madhe e tij në këtë moment. Bujarin e presin atje tre fëmijë të vegjël, për të cilët ka 6 muaj që nuk ka dëgjuar asgjë, transmeton albinfo.ch. Nga gruaja ndërkohë është shkurorëzuar ndërsa vëllai i tij është invalid dhe duke qenë i lidhur për karrocë, nuk mund të bëjë asnjë punë për të mbajtur familjen me bukë.
Si punëtor fasadues (gipser) ai në Kosovë mund të fitonte maksimalisht 450 euro në muaj dhe kjo nuk mjaftonte as përafërsisht për të ushqyer familjen e gjerë 12 anëtarëshe që priste vetëm nga ai. Për një fitim më të mirë në Kosovë ai nuk kishte shanse, kështu që kishte vendosur të dalë jashtë evndiot për të kërkuar punë dhe për të fituar para.
Siç e thotë ai, në Zvicër ka ardhur ilegalisht në vitin 2013 dhe ka punuar fillimisht në Zvicrën perëndimore (frankofone) nëpër firma të ndryshme si fasadues ose punëtor ndihmës.
Më vonë ai ka kaluar edhe në Zvicrën gjermane, ku për firma të ndryshme dhe si i pavarur ka punuar për periudha prej 3-4 ditë deri në një vit.
Për të fshehur identitetin, ai kishte blerë nga një grua moldaviane për 3000 franga një pasaportë të falsifikuar letoneze. Me këtë pasaportë, ku ishte vendosur portreti i tij, ai ka pasur sukses të nxjerrë të gjitha dokumentet e nevojshme për legalizimin e qëndrimit dhe të punës në Zvicër.
Bujari ia ka dalë madje që me këtë pasaportë të nxjerrë edhe lejen e qëndrimit nga Zyra për Migracion e Kantonit Aargau. Leja i ishte dhënë dhe vlente deri në dhjetor të vitit 2020. Askujt nuk i kishte rënë në sy pasaporta e falsifikuar! Ai ishte kapur, fare rastësisht, para rreth një viti, duke vozitur makinën pa leje, përcjell albinfo.ch. Policëve ua kishte treguar lejen e qëndrimit (Vizën) ndërsa ishte dënuar për mungesë të patentshoferit. As kësaj here nuk ishte kuptuar se nuk kishte leje qëndrimi të rregullt në Zvicër.
Bujari gjatë gjithë kohës së hetimeve ka qenë kooperativ me autoritetet dhe ka pranuar të gjitha shkeljet e bëra. Ai ka thënë po ashtu se e ka ditur që nuk kishte të drejtë qëndrimi në Zvicër por këtë e kishte bërë nga halli. Në shtëpi, në Kosovë e priste një borxh prej 8000 eurosh. Këtu në Zvicër ai thotë se kurrë nuk ka vjedhur ose bërë ndonjë punë tjetër të dënueshme. Në të kundërtën, atij ia kishte borxh rreth 9000 franga një pronar firme për të cilin kishte punuar. Po këtë e kishte thënë edhe avokati i tij.
Sidoqoftë, gjykata e ka dënuar atë me 12 muaj burg, transmeton albinfo.ch. Ndërsa Bujari kishte shpresuar se para Vitit të Ri do të mund të shkonte në Kosovë ku e prisnin fëmijët, por gjyqtari ia bëri të qartë se kjo gjë nuk ishte e mundur. Para kësaj, ai duhet ta vuajë dënimin me burg në Zvicër.
(Fotografi ilustruese)
Të tjera nga Integrimi
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë