Britania e Madhe paralajmëron valë të madhe të rasteve me Omicron në muajin janar

(KEYSTONE/AP Photo/Frank Augstein)

Paralajmërimi vjen nga shkencëtarët, të cilët parashikojnë se kjo është e pashmangshme me masat aktuale për luftimin e pandemisë koronavirus.

Numri i jetëve të humbura nga varianti i ri deri në fund të prillit mund të variojë nga 25 mijë deri në 75 mijë, në varësi të performancës së vaksinave, transmeton A2, përcjell Albinfo.ch.

Por shkencëtarët, që kryen studimin, kanë disa paqartësi në parashikimin e tyre. Në skenarin më të keq, do të duhen kufizime më të ashpra për të frenuar tejmbushjen e spitaleve. Megjithatë, ata pohojnë se Omicron është më pak i ashpër se variantet e tjera të Covid-19.

Sipas shkencëtarëve, përhapja e lartë e Omicron do ta bëjë atë variantin më mbizotërues në Britani deri në fund të këtij viti.