Blocher: “Zvicra, një diktaturë e gjyqtarëve”

Blocher në fjalën e tij ka kritikuar ashpër "rrëshqitjen në diktaturë" të Zvicrës dhe ka folur për teori komploti, që po u realizuakan përmes "diktaturës së gjyqtarëve", e cila gjithmonë po i devijon dhe zbut deri në mosnjohje vendimet e sovranit,

Në tubimin tradicional vjetor në Albisgüetli, ideologu dhe (ende) nënkryetari i SVP/UDC-së, Christoph Blocher ka mbajtur një fjalim që ka tërhequr vëmendjen e medieve zvicerane me ashpërsinë e tij kundrejt realitetit zviceran. Po ashtu mediet vënë theksin edhe në fushkëllimat që i janë drejtuar në këtë tubim fjalimit të presidentit të federatës, Johann Schneider-Ammann. Ai, në fakt ka bërë thirrje që të hidhet poshtë iniciativa eSVP-së për zbatim.

Ndërsa Blocher në fjalën e tij ka kritikuar ashpër “rrëshqitjen në diktaturë” të Zvicrës dhe ka folur për teori komploti, që po u realizuakan përmes “diktaturës së gjyqtarëve”, e cila gjithmonë po i devijon dhe zbut deri në mosnjohje vendimet e sovranit, popullit, që po merren në referendumet e iniciuara nga partia e tij.

I gjithë ky fjalim bën fjalë për atë se Zvicra tashmë është diktaturë pasi që nuk po respektohet vullneti i popullit.

Duke e interpretuar këtë fjalim të Blocherit, mediet e këtushme shprehin habinë se si është e mundur kjo qasje kaq kritike e njeriut më me peshë të svp-së në kohën kur kjo parti i ka dy këshilltarë federalë dhe është partia që, duke qene më e madhja, përcakton fatet e Zvicrës.