Lajme
Bie ritmi i vaksinimit në Shtetet e Bashkuara
Në Nju-Jork beteja mbi vaksinimin e detyruar është ashpërsuar në distriktin më të madh shkollor të vendit.
“Do të më pushojnë nga puna. Kjo është dita ime e fundit”, thotë Asia Levystone, mësuese në Nju-Jork, e cila refuzon të vaksinohet.
“Do të humbasim ndoshta 10-15 për qind të stafit që do të thotë klasa më të mëdha e të mbipopulluara që do të jenë më pak të sigurta për nxënësit tanë”, thotë Annie Tan, mësuese e shkollave publike në Nju-Jork.
Vaksinimi i detyruar, që supozohej të hynte në fuqi të hënën, do të kishte lejuar qytetin të pezullonte punonjësit, pa pagesë, nëse ata nuk respektojnë udhëzimin. Sipas burimeve lokale rreth 10 mijë mësues mbeten të pavaksinuar.
Rastet e infektimeve po rriten mes nxënësve dhe personelit në shkolla duke ngritur shqetësimin e prindërve.
“Ideja se po të mbash maskë dhe distancë fizike, nuk ke pse të karantinohesh, është një farsë, sepse ne e dimë që fëmijët tanë nuk mund të mbajnë maskën për 8 orë dhe ne e dimë që ata nuk mund të mbajnë distancë fizike”, thotë Tauje Sutton.
Një përballje e ngjashme po shfaqet gjithashtu në spitalet e shtetit të Nju-Jorkut, ku një urdhëresë që kërkon që punonjësit e kujdesit shëndetësor të vaksinohen, hyn në fuqi të hënën.
Guvernatorja Kathy Hochul po përgatitet të sjellë personel shtesë dhe gardën kombëtare nëse spitalet kanë nevojë për ndihmë.
Në Oklahoma mijëra persona të kualifikuar po vërshojnë të marrin dozën e tretë. Punonjësi i shkollës publike, Matthew Luria, është mirënjohës që ka mundësinë për të marrë dozën përforcuese.
“Është mirë që ne kemi këtë mundësi dhe do të inkurajoja edhe të tjerët të shkojnë dhe të marrin vaksinën”.
Punonjësit e shëndetësisë kualifikohen gjithashtu për dozën e tretë.
“Të gjithë ne morëm sot dozen e tretë”, thotë Bob Manson me sistemin shëndetësor Saint Francis.
Në Kolorado, 51-vjeçari Tom Schneider, dikur skeptik për vaksinën, nuk e priste se do të duhej të vendosej më pas në respirator për një muaj.
“Kam ndryshuar mendimin. Nuk ia vlen të rrezikosh. Duhet të marrësh vaksinën, sepse ka kaq shumë faktorë që mund të ndikojnë dhe t’ju ndryshojnë tërë jetën ose t’ju vrasin”.
Shoqata e mësuesve të Nju-Jorkut e kundërshtoi vendimin për vaksinimin e detyruar, kështu që tani për tani duken fitimtarë, por beteja nuk ka mbaruar. Vendimi tani shkon para një paneli prej tre gjyqtarësh për shqyrtim të mërkurën./VOA
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl