Kriza në Ukrainë
Biden thotë se nuk dërgojnë avionë luftarakë në Ukrainë
Presidenti amerikan, Joe Biden, ka përjashtuar mundësinë e dërgimit të avionëve luftarakë F-16 në Ukrainë, pavarësisht thirrjeve të përsëritura nga zyrtarët ukrainas për mbështetje ajrore.
“Jo”, tha ai kur u pyet nga gazetarët në Shtëpinë e Bardhë, por njoftoi se do të vizitonte aleatin e rëndësishëm, Poloninë.
Deklarata e tij vjen një ditë pasi udhëheqësi gjerman përjashtoi gjithashtu dërgimin e avionëve luftarakë. Ukraina ka thënë se i duhen avionët për të marrë kontrollin e hapësirës së saj ajrore në luftën e saj të vazhdueshme me Rusinë.
F-16 Fighting Falcons konsiderohet si një avionët luftarakë më të besueshëm në botë dhe përdoren nga vende të tjera, si Belgjika dhe Pakistani, transmeton cnn përcjell albinfo.ch.
Biden ka kundërshtuar në mënyrë të përsëritur lutjet e Ukrainës për avionët, duke u fokusuar në sigurimin e mbështetjes ushtarake në fusha të tjera. SHBA-ja njoftoi javën e kaluar se do të furnizonte Kievin me 31 tanke Abrams, ndërsa Mbretëria e Bashkuar dhe Gjermania premtuan mbështetje të ngjashme.
Vendet perëndimore, këtë muaj, ranë dakord për t’i dërguar Ukrainës tanke moderne të standardit të NATO-s, një nga armët më të fuqishme në ushtritë e tyre konvencionale.
Presidenti francez, Emmanuel Macron, tha më herët të hënën se Franca nuk e përjashton mundësinë e dërgimit të avionëve luftarakë në Ukrainë. Por, ai shtoi se për dërgimin e tyre së pari duhen përmbushur disa kushte të rëndësishme, si garancitë që ukrainasit nuk do t’i përdorin ata për sulme në territorin rus. Presidenti Macron i bëri komentet gjatë një takimi në Hagë me kryeministrin holandez, Mark Rutte.
E-Diaspora
-
Bizneset nga diaspora vizitojnë shtëpinë e Kosovës Në 10 vjetorin e themelimit të Rrjetit Global të Bizneseve Shqiptare, dje në Prishtinë është mbajtur...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?