Ukraina
Besueshmëria e BE-së, Ukraina dhe Ballkani presin sinjale të qarta nga Evropa
Në Ohër të Maqedonisë së Veriut u mbajt Forumi i Prespës me pjesëmarrjen e krerëve të shteteve, qeverive dhe diplomatëve nga Ballkani perëndimor dhe BE-ja. Një nga çështjet kryesore ishte si të bëhet Evropa më e besueshme ndaj rajonit dhe Ukrainës për procesin e zgjerimit.
Presidenti ukrainas, që bëri thirrje për një Union të fortë e të konsoliduar, iu adresua të pranishmëve në një lidhje virtuale. Një nga pyetjet e shtruara gjatë debatit ishte si t’i dërgohet një mesazh i qartë Kievit kur blloku evropian nuk ka përfunduar me Ballkanin.
“Të jemi të sinqertë, Këshilli i ardhshëm nuk do të debatonte statusin e kandidatit për Ukrainën nëse vendi nuk do të ishte në luftë. Megjithatë, kjo është një nismë pozitive. Unë jam mes liderëve që e mbështesin BE-në në përpjekjen për të gjetur konsensusin për statusin e Ukrainës. Por i kam dërguar një letër zyrtare presidentit të Këshillit Evropian, Charles Michel, ku kërkoj që për Bosnjë e Hercegovinën të bëhet e njëjta gjë”, u shpreh presidenti slloven Borut Pahor.
Sipas pjesëmarrësve në forum, dhënia e statusit për Ukrainën është një sinjal pozitiv, por vetëm nëse shoqërohet nga rezultate konkrete në procesin e zgjerimit të BE-së me Ballkanin Perëndimor.
“Të gjitha vendet që kërkojnë zgjerimin janë në tryezë. Besueshmëria e procesit ndaj Ukrainës, Moldavisë dhe Ballkanit perëndimor është e njëjtë për të gjithë. Nëse ukrainasit e shohin se edhe me një vend të vogël si Mali i Zi, BE nuk ka vullnet të ecë përpara, atëherë ç’do të thotë kjo për Kievin? Po ashtu, nëse vendet e Ballkanit, si Shqipëria apo Maqedonia e Veriut, shohin se një vend në luftë si Ukraina nuk gëzon një status të veçantë lidhur me zgjerimin, atëherë kush do të ketë perspektivë evropiane”, tha Manuel Sarrazin, i dërguari i posaçëm i Gjermanisë për Ballkanin./Euronews
Të ngjashme
Të tjera nga Ukraina
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik