Berlini, presion Zvicrës për sanksionet kundër Rusisë

Qeveria Gjermane do të përshëndeste nëse sa më shumë shtete jashtë BE-së, e në mesin e tyre edhe Zvicra, të bëhen pjesë e sanksioneve

Gjermania i bën presion Zvicrës që t`i bashkohet vendimit të Bashkimit Evropian për vendosjen e sanksioneve kundër Rusisë. Berlini zyrtar do të përshëndeste nëse sa më shumë shtete që janë jashtë BE-së, e në mesin e tyre edhe Zvicra, të bëhen pjesë e marrjes së masave”, ka thënë të hënën një zëdhënës i qeverise gjermane.

Paraprakisht, nënkryetari i grupit parlamentar të CDU/CSU-së në Bundestagun Gjerman Michael Fuchs kishte kritikuar Zvicrën përse nuk po dëshiron t`i bashkohet plotësisht sanksioneve të BE-së kundër Rusisë.“

Duke qenë se Zvicra përfiton në një masë të madhe nga BE-ja, do të ishte një shenjë solidariteti nëse ajo tash do t`u bashkohej sanksioneve të BE-së kundër Rusisë”, ka thënë Fuchs për agjencinë e lajmeve Reuters.

Duhet evituar gjendja që (përmes Zvicrës) të krijohen mundësi manovrimi për bankat ruse, ka thënë ai.