Lajme
Bazeli mbyll për 3 javë të gjitha restorantet, qendrat e fitnesit dhe bordelet
Kantoni Baselstadt, duke marrë këtë vendim, synon të thyejë trendin e rritjes së numrit të raseve para Krishtlindjeve.
Nga e hëna, në Basel-Stadt rregullat do të zbatohen rregulla më të ashpra se në gjithë vendin: do të mbyllen restorantet, qendrat e fitnesit, lokalet erotike dhe kazinotë, shkruan srf.ch. Po ashtu do të vendoset një kufi i ri i sipërm prej 15 personash për të gjitha aktivitetet.
Masat do të jenë të zbatueshme deri më 13 dhjetor, thuhet në vendimin qeveritar të publikuar sot.
Kantoni Basel-Stadt me këtë bllokim të pjesshëm po reagon ndaj numrit në rritje të rasteve në kanton, transmeton albinfo.ch. Incidenca 7-ditore për 100.000 banorë është aktualisht 727, ose mbi mesataren e vendit.
Nga e hëna, 23 nëntor deri të dielën, 13 dhjetor, zbatohen dispozitat e mëposhtme:
Të gjitha restorantet, kafenetë dhe baret duhet të mbyllen.
Kantinat e ndërmarrjeve dhe shkollës, kuzhinat e rrugëve, restorantet e lidhura me hotelet për mysafirët e hotelit dhe shërbimet e shpërndarjes së ushqimeve si dhe ato për ushqime që merren me vete, përjashtohen nga rregullorja, përcjell albinfo.ch. Pra, puna e tyre lejohet edhe më tutje.
Do të ketë edhe një “orë policore” nga ora 23:00 deri në 5 të mëngjesit për lokalet “Take away” .
Mbyllen ambientet e brendshme të lokaleve për kalim të kohës së lirë dhe argëtim, duke përfshirë kazinotë dhe dhomat e lojërave.
Edhe bizneset erotike (bordelet etj.) duhet të mbyllen.
Mbyllen po ashtu edhe objektet sportive, duke përfshirë palestrat, pishinat e mbyllura, studiot e vallëzimit, qendrat e fitnesit dhe objektet e sporteve në akull.
Nga ndalesa preken edhe trajnimet në klube jo-profesionale.
Përjashtime nga ndalesa bëhen për nxënësit e shkollës fillore, nxënësit e shkollës së mesme dhe atletët profesionistë.
Po ashtu as dyqanet dhe shërbimet me kontakt fizik, si floktoret ose sallonet e masazhit, nuk preken nga ky vendim.
Kantoni, duke marrë këtë vendim, synon të thyejë trendin e rritjes së numrit të rasteve para Krishtlindjeve.
Të ngjashme
Të tjera nga Lajme
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik