Bastiset xhamia në Winterthur

Xhamia An 'Nur është bastisur sot, të mërkurën, në mëngjes. Disa të rinj thuhet se janë radikalizuar në qendrën e shenjtë myslimane.

Policia kantonale e Cyrihut bastisi të mërkurën herët në mëngjes xhaminë e Winterthur-it (ZH). Xhamia An’Nur ka qenë disa herë në qendër të vëmendjes së mediave, njofton albinfo.ch. Ajo është akuzuar për shkak të radikalizimit të pretenduar të disa të rinjve, të cilët dëgjonin predikimet e shqiptuara brenda mureve të saj.

Bastisja është duke u zhvilluar, bën të ditur albinfo.ch. Ajo është duke u zhvilluar në bashkëpunim me Policinë e Komunës së Winterthur-it, thekson policia kantonale e Cyrihut në deklaratën e saj.

Sipas Tages-Anzeiger, operacioni kishte në shënjestër në mënyrë specifike imamin e ri të xhamisë, një somalian i quajtur Sheik Abdurrahman, i cili predikonte në gjuhën arabe. Paraardhësi i tij ka qenë i detyruar të largohet nga ky post për shkak të akuzave për pozicione ekstremiste.

Xhamia An’Nur (drita, në arabisht) ka qenë disa herë në qendër të vëmendjes së mediave. Disa të rinj, të cilët kanë frekuentuar këtë xhami, i janë bashkuar Shtetit Islamik në Siri.

Pronarët e lokalit nuk duan të vazhdojnë kontratën e tyre me këtë vend të adhurimit të diskutueshëm. Xhamia An’Nur e Winterthurit (ZH) me gjasë do t’i mbyllë dyert e saj në fund të vitit.