Lajme
Banka Qendrore Europiane: Kartëmonedhat Euro, së shpejti me pamje të re
Banka Qendrore Europiane ka deklaruar se në vitin 2024 kartëmonedha Euro do të marrë një pamje krejt të re.
Euro u prezantua në formën cash më 2002, ku të gjitha prerjet kanë vizatime karakteristike si dritare, porta dhe ura nga epoka të ndryshme, por pa përfaqësuar një vend apo monument specifik. Që prej asaj kohe, valuta ka pësuar vetëm një herë një ndryshim të vogël.
“Pas 20 vjetësh, ka ardhur koha të rishikojmë pamjen e kartëmonedhave tona dhe t’i përafrojmë më shumë me europianë të të gjitha moshave dhe prejardhjeve”, tha Presidentja e Bankës Europiane, Christine Lagarde.
Ajo shtoi se kartëmonedhat e euros “janë një simbol i prekshëm dhe i dukshëm që në Europë jemi të gjithë pranë njëri-tjetrit, veçanërisht në kohë krize dhe ka ende kërkesë të lartë për to”.
Banka Qendrore Europiane ka deklaruar se do të krijojë grupe fokusi për të mbledhur këndvështrimet të të gjithë qytetarëve të Unionit për tematikën e mundshme që do të jetë mbi kartëmonedhat e reja. Grupi do të jetë i përbërë nga një ekspert nga çdo shtet i eurozonës, i cili do t’i dorëzojë Këshillit të bankës një listë të sugjerimeve me tematikat e reja.
Banka gjithashtu do t’u drejtohet qytetarëve për të marrë propozime të ndryshme, e më pas do të mbahet një konkurs, ku do të prezantohen disa prej varianteve të kartëmonedhave të reja, përpara se të konsultohen sërish me publikun. Këshilli i ekzekutiv i bankës është organi që do të vendosë se si do të duken kartëmonedhat e reja dhe se kur do të hidhen në qarkullim.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë Lëvizja në një vend të ri mund të jetë sfiduese, por stresi i gjetjes së kujdesit...
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl