Banka Nacionale e Zvicrës,13 miliardë franga fitim

Sipas njoftimit të bërë nga kjo bankë, çmimi i rritur i arit dhe pozicioni i mirë valutor janë meritore për këtë fitim

Pavarësisht  krizës monetare, për vitin fiskal 2011, Banka Nacionale (SNB), pret realizimin në fitimi prej 13 miliardë frangash. Një bilanc pozitiv vjen për shkak të çmimit të lartë të arit dhe nga përfitimet me shitblerjen e devizave.

Nga vlerësimi që i bëhet rezervave të arit, Banka Nacionale ka raportuar të premten se ka fituar 5 miliardë franga.

Në pozicionin valutor rezulton te ketë fituar rreth 8 miliardë franga shtesë.

Për shkak të realizimit të lartë në fitim, Banka Nacionale e Zvicrës, një miliard franga do t’i ndajë për qeverinë dhe kantonet.

Për këtë ishte arritur një marrëveshje ndërmjet Bankes Nacionale dhe Departamenti Federal i Financave (FDF).

Më parë, Banka Nacionale kishte frikë se nuk do të mund ta realizonte një marrëveshje të tillë për shkak të humbejeve.

Shumë drejtorë kantonal të financave kanë vlerësuar se shpërndarja buxhetore është e vogël nga Banka Nacionale Nga SNB, kantonit të Bernës nga 200 milionë franga i është reduktuar buxheti në 84 milionë franga.


Një e treta e buxhetit  shkon për qeverinë federale, dy të tretat për kantonet..