Banka Botërore ka ndarë 1 miliard dollarë për rindërtimin e sektorit privat të Ukrainës

Keystone (AP Photo/Alexei Alexandrov)

Rreth 1 miliard dollarë janë ndarë nga Banka Botërore për rindërtimin e sektorit privat të Ukrainës, përcjell albinfo.ch.

Drejtori menaxhues i degës së investimeve private të bankës, i njohur si International Finance Corp Makhtar Diop, ka deklaruar për Reuters se rreth 620 milionë dollarë e fondeve të mobilizuara për Ukrainën janë nga bilanci i vetë krahut të investimeve dhe 360 milionë dollarë të tjera erdhën prej financimeve të jashtme.

Sipas raportimeve nga skynews, ky do të jetë një lajm i mirëpritur në Kiev pas shenjave të lodhjes së donatorëve midis disa aleatëve kryesorë perëndimorë në muajt e fundit drejt fondeve të rindërtimit dhe paketave të tjera të ndihmës.

Ndryshe, Bashkimi Evropian pritet ta ndihmojë me 50 miliardë euro Ukrainën në kuadër të ndihmave të luftës kundër Rusisë.