Azilkërkuesit, për “pushime” në vendet nga ikën

Disa refugjatë kalojnë “pushimet” në vendet që pretendohet se janë të detyruar të largohen, kanë zbuluar gazetarët e gazetës gjermane “Die Welt”.

Azilkërkuesit konfirmuan për gazetarët se për një kohë të shkurtër shkojnë në vende, si Siria, Afganistani dhe Libani. Lajmi është konfirmuar edhe nga një zyrtar anonim nga Zyra Federale e Punësimit.

Zyrtarët tashmë janë duke hetuar se sa shpesh refugjatët shkojnë në vendet e tyre, dhe sa është numri i tyre. Ligji gjerman lejon azilkërkuesit që marrin ndihma sociale se mund të braktisin vendin vetëm 21 ditë, për çdo vit, dhe janë të detyruar të informojnë autoritetet se kanë lëshuar vendin, përcjell albinfo.ch.

Se autoritetet gjermane janë të vetëdijshme për atë që po ndodh tregon dhe thirrja e Zyrës për imigrantët dhe refugjatët, e cila në qershor kishin kërkuar që raste të tilla të raportohen. Nëse konfirmohet qëllimi i udhëtimit të tyre se ishin në pushim, do t’u merret e drejta e azilit.