Avni Tairi, i suksesshëm në Gjermani

Kishte filluar si ndihmës kamarier ndërsa tashmë ai koordinon të gjitha punët së bashku me shefin e departamentit

Para saktësisht 20 viteve, Avni Tairi kishte filluar ditën e parë të punës në Hotel “Bechtel” në Zella të Gjermanisë. Këtë kohë e kujton shqiptari nga Maqedonia shumë saktë. “Ishte vështirë, ngase unë nuk flisja mirë gjermanisht, por të gjithë kishin durim me mua”, thotë ai për hna.de.

Sot Avniu ka marrëdhënie të përzemërta me Martin Bechtel, bashkëshorten e tij Suzanën, binjakët dhe me gjithë familjen. Në një ditë feste, familja Bechtel ka falënderuar familjen Tairi për besnikëri.  “Avniu së bashkë më vëllain e tij më herët kanë punuar në një piceri. Që nga ditët e para të punës, dukej se i ecte mbarë”, tregon Bechtel, transmeton “albinfo.ch

Që puna e kamerierit nuk është dhe aq e lehtë, këtë e di edhe Avniu. “Duhet gjithmonë të jesh miqësor, i këndshëm pavarësisht klientit dhe grupmoshave që vijnë”.

Gradualisht ai e kishte mësuar “mjaft mirë” gjuhën gjermane, tregon shqiptari nga Maqedonia. “Shumë mendojnë se unë vij nga Italia”, ndërsa shefi i tij Bechtel, shton: “Avniu është shumë i përshtatshëm me mysafirë. Shumë pyesin për `italianin` tonë”.

Avniu kishte filluar si ndihmës kamarier ndërsa tashmë ai koordinon të gjitha punët së bashku me shefin e departamentit. “Kjo detyrë i jep kënaqësi atij të punojë me njerëzit, të bisedojë me ta dhe t` i rekomandoj për çfarë do që kanë nevojë”, thotë pronari. Avniu është shumë i përpiktë në orarin e punës dhe fleksibël. “Megjithatë më duhet ende të mësoj”, thotë shqiptari nga Maqedonia, njofton albinfo.ch.

Avniu është mysliman, nuk ha mish derri dhe nuk pi alkool, por kjo nuk e pengon ta shërbejë atë. Kjo  as për shefin Martin Bechtel  që e ka mbajtur 20 vjet punëtor të tij, nuk përbën ndonjë.¨problem

“Në Zella unë ndihem si në shtëpinë time. I jam falënderues edhe shefit të hotelit dhe shpresoj se edhe ai të jetë i kënaqur më mua”, thotë në fund Avni Tairi.