Avioni diellor zviceran mbërrin në Nju-Jork

Aeroplani diellor “Solar Impulse 2” ka ateruar në Nju-Jork, në fazën e fundit të udhëtimit të tij nëpër botë.

Avioni i Zvicrës fluturoi mbi Statujën e Lirisë dhe në qytetin para se të ulet në mëngjes në aeroportin ndërkombëtar të Nju-Jorkut “John F. Kennedy”.

“Solar Impulse 2”, i cili synon të promovojë teknologjinë e energjisë së pastër diellore, mbrëmë vonë fluturoi nga aeroporti në Pensilvani.
Sipas planit fillestar, avioni eksperimental ishte paraparë të mbërrinte të hënën, por për shkak të shirave të rrëmbyeshëm dhe stuhitë në këtë zonë kishte mbetur në aeroport.

Në përpjekjen për të shënuar rekord për të fluturuar rreth botës, pa një pikë të vetme të karburantit, avioni diellor u nis në udhëtimin e tij të parë në mars në Abu Dhabi dhe gjatë këtij fluturimi kishte vizituar Omanin, Mianmarin, Kinën dhe Japoninë.