Avionët Gripen: Ueli Maurer nën trysni

Përzgjedhja e avionëve ushtarakë Gripen karshi atyre Saab dhe Dassault është duke ngjallur polemika

Pëlqimi i dhënë nga Ueli Maurer për blerjen e 22 fluturakeve suedeze Gripen me një shumë prej 3.1 miliardë frangash, është nën valën e trysnisë politiko mediale.

Blerja e avionëve të rinj Gripen për ushtrinë zvicerane ka shkaktuar reagimin e parlamentarëve zviceranë, të cilët nuk kanë qëndruar indiferentë ndaj lajmit të të dielës se performanca e këtyre avionëve nuk është në nivel në krahasim me firmat avionëve konkurrentë që kanë qenë në lojë, respektivisht Dassault dhe Saab. Kritika të ashpra kanë ardhur po ashtu edhe nga radhët e politikanëve të SVP-UDC, parti politike nga e cila është po ashtu edhe ministri Maurer.

Sipas dokumenteve të departamentit të mbrojtjes që kanë vlerësuar performancën e aeroplanëve ushtarakë Gripen, këta të fundit nuk përmbushin as kushtet minimale për policinë qiellore zvicerane.

Ministri i mbrojtjes Ueli Maurer nuk paska qenë në dijeni mbi raportet e vlerësimit të përfolura nga shtypi i të dielës, kështu ka thënë sot në mëngjes zëdhënësja e departamentit në fjalë, zonja Sylvia Steidle.

Kjo polemikë në lidhje mbi avionët Gripen i ngjan asaj që pati lindur në vitin 1960 mbi avionët ushtarakë «Mirage» dhe e cila pati shkaktuar dorëheqjen e Këshilltarit federal të atëhershëm, Paul Chaudet.