Austriakët, pesimistë për pensionet e tyre

Më shumë se gjysma e austriakëve nga 18 deri në 50 vjeç janë të shqetësuar për gjendjen financiare, duke pasur parasysh të ardhmen e tyre në kohën e pensionimit, sipas një sondazhi, shkruan albinfo.ch.

Dy të tretat e të anketuarve nuk presin që ata mund të jenë në gjendje të jetojnë me një pension shtetëror, prandaj duhet të mendojnë se do të jenë të nevojshme edhe të ardhura shtesë.

Sigurimi i pensioneve private po bëhet gjithnjë e më i rëndësishëm dhe 75 për qind e të anketuarve besojnë se ata do të duhet të financojnë privatisht pensionin e tyre.

Gratë janë më pesimiste se burrat. Rreth 66 për qind e grave janë të shqetësuara për gjendjen e tyre financiare gjatë pensionimit, ndërsa burrat përbëjnë 54 për qind.