Lajme
Austria planifikon izolim në shtëpi për të pavaksinuarit
E premtja ishte dita e tretë me radhë në të cilën u regjistruan mbi 3,000 raste të reja me koronavirus
Numri i raste të reja me virusin korona ka disa ditë që po rritet në Austri. Këtë javë kishte një rritje drastike. E premtja ishte dita e tretë me radhë, në të cilën u regjistruan mbi 3,000 raste të reja. Autoritetet austriake raportuan saktësisht 3,582 infeksione të reja dhe 13 vdekje. Për këtë aryse ka reaguar menjëherë edhe Qeveria austriake, transmeton albinfo.at
Ajo ka paralajmëruar se qytetarët e pavaksinuar në Austri mund të përballen me masa të reja izolimi nëse numri i rasteve të koronavirusit vazhdon të rritet
Kancelari Alexander Schallenberg, bashkë me ministrin e Shëndetësisë dhe kryebashkiakët e landeve të Austrisë të premten në mbrëmje mbajtën një takim në lidhje me hapat e radhës ndaj numrit në rritje të shpejtë të rasteve.
“Pandemia nuk është ende pas nesh. Së shpejti do të kemi një numër të madh të prekurve me virus te të pavaksinuarit”, tha Schallenberg.
Ai bëri të ditur se nëse numri i pacientëve me Covid-19 në repartet intensive arrin 600 ose një të tretën e kapacitetit të përgjithshëm të repartit intensiv, qeveria planifikon të vendosë kufizime për personat e pavaksinuar. Në atë rast, ata do të lejohen të largohen nga shtëpitë e tyre vetëm për arsye të caktuara.
Aktualisht, numri i pacientëve me COVID-19 në repartet intensive është 220.
Javën e kaluar, Austria raportoi 20.408 raste të reja të virusit, sipas autoriteteve shëndetësore, duke e çuar mesataren shtatëditorë në 228,5 për 100.000 banorë.
Rreth 65,4 për qind e popullsisë totale kanë marrë të paktën një dozë të vaksinës kundër koronavirusit dhe 62,2 për qind janë vaksinuar plotësisht.
E-Diaspora
-
Shtetasja zvicerane arrestohet në Viti për shkak të kërcënimeve Dyshohet se kanosi një burrë përmes rrjeteve sociale...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Austri
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku Lidhja Demokratike e Kosovës organizon takim informues me Eurodeputetin Lukas Mandi, kandidat në zgjedhjet EU2024 që...
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri
-
Kapet pas disa vitesh vjedhësi serik shqiptar, “e tradhtojnë” këpucët
-
Dy të vdekur nga orteku në Austri