Arrestohet çifti shqiptarë në Cyrih

Foto ilustrim

Një çift shqiptarësh janë arrestuar në Cyrih të Zvicrës, pasi akuzohen për trafik droge.

Policia rrugore e qytetit ka ndalur veturën e drejtuar nga 33-vjeçari shqiptar, të cilit i ishte konfiskuar patenta më parë.

Gjatë kontrollit fizik në automjet, u gjetën 80 gr kokainë, një pistoletë boshe dhe mjete prerëse. Ndërsa, gjatë kontrollit fizik në banesën e tyre u gjetën dhe sekuestruan eth 330 gramë heroinë, 20 gramë kokainë dhe 250 gramë drogë artificiale, shkruajnë mediat shqiptare, përcjell albinfo.ch.

33-vjeçari dhe 46-vjeçarja janë arrestuar të dy nën akuzën e trafikut të lëndëve narkotike, sakaq pritet që drejtësia zvicerane të marrë masën ndëshkimore për çiftin shqiptar.