Kriza në Ukrainë
AP: Zelensky, i palodhshëm: 100 fjalime në 100 ditë lufte
Presidenti ukrainas, Volodymyr Zelensky, thotë se kur Rusia pushtoi Ukrainën 100 ditë më parë, askush nuk e priste që vendi i tij të rezisonte kaq gjatë.
Madje, thotë Yelensky, udhëheqësit botërorë e këshilluan të ikte.
“Por, ata nuk na njihnin”, tha ai në një fjalim nëpërmjet një videomesazhi një natë të vonë prilli, kur lufta mbushi ditën e saj të 50-të.
“Dhe ata nuk e dinin se sa të guximshëm janë ukrainasit, sa e vlerësojmë ne lirinë”.
Askush nuk e dinte se si 44-vjeçari që nga komediani ishte bërë president, do t’i përgjigjej një pushtimi nga ushtria gjigante ruse, shkruan AP.
Përgjigjja e tij ka qenë e fuqishme dhe publikisht bindëse. Zelensky e ka udhëhequr vendin e tij në ngritjen e një rezistence të ashpër dhe të papritur.
Çdo natë ai ka mbledhur ukrainasit në luftë nëpërmjet një videomesazhi në rrjetet sociale. Kanë qenë 100 fjalime – një për çdo ditë të luftës – në të cilat ia ka rikujtuar popullit të tij se ai nuk ka ikur dhe se Ukraina me të vërtetë ka mbijetuar.
Me kalimin e ditëve dhe javëve në fytyrën e tij të parruar është shtuar mjekra e errët, duke ia humbur pamjen djaloshare.
Që nga fillimi i luftës ai është veshur me nuanca të ndryshme të jeshiles ushtarake, duke u shfaqur më shpesh me një bluzë të thjeshtë. Përshtypja që ai lë është e qartë: ai ka ardhur nga lufta dhe është gati të kthehet në të.
Një komunikues i palodhur dhe i aftë, Zelensky ka folur me videolidhje me Kombet e Bashkuara, Kuvendin e Britanisë së Madhe, Kongresin e SHBA-së dhe dhjetëra parlamente të tjera në mbarë botën, si dhe me Festivalin e Filmit në Kanë dhe ceremoninë e ndarjes së çmimeve Grammy në Amerikë.
Rrallëherë një mashkull pa kravatë i është drejtuar kaq shumë VIP-ave. Volodymyr Zelensky ka dhënë edhe intervista për gazetarë.
Por, videoadresimet e tij gjatë natës kanë qenë kanali i tij i preferuar për të informuar dhe frymëzuar ukrainasit.
Ai shpesh e fillon adresimin e tij duke iu drejtuar ukrainasve si “njerëzit e lirë të një vendi të guximshëm” ose “populli i pamposhtur i vendit tonë të madh”. Në ndërkohë, e përfundon gjithmonë njëjtë me shprehjen e tij të famshme – “Lavdi Ukrainës”.
Në këtë komunikim të orëve të vona, Zelensky u tregon bashkëkombasve për liderët botërorë me të cilët ka folur gjatë ditës dhe për përpjekjet e tij për t’i bërë ata liderë të dërgojnë më shumë armë dhe për të vendosur gjithnjë e më shumë sanksione ndëshkuese ndaj Rusisë.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?