Ambasadori Kosnett kërkon të gjykohen ata që kryen krime gjatë luftës

 Ambasadori amerikan në Kosovë, Philip S. Kosnett, në Ditën Kombëtare të të Pagjeturve në Kosovë ka marrë pjesë në ngjarjen që është mbajtur në Mejë.

Kosnett tha se të gjithë ata individë që kanë kryer krime gjatë dhe pas luftës, duhet të dalin dhe nuk duhet lënë t’i shmangen drejtësisë, përcjell albinfo.ch.

 Ambasadori ka folur edhe për pajtimin mes popujve. Ai tha se Kosova dhe vendet fqinje duhet të pranojnë të diskutojnë për të kaluarën.

“Askush të mos dyshojë sa e thellë apo e qëndrueshme është miqësia mes Shteteve të Bashkuara të Amerikës dhe Kosovës. Mbështetja e Amerikës ndaj qëllimit për paqe, drejtësi dhe mbarësi për Kosovën dhe fqinjët e Kosovës mbetet e qëndrueshme. Përkushtimi i Amerikës për të ardhmen e Kosovës paraqet një trashëgimi të thellë për ata që vdiqën që Kosova të jetë e lirë”, deklaroi ai.