Lajme
Ambasada gjermane në Prishtinë tërheq vërejtjen për „eksodin masiv“ nga Kosova
Nga ambasada ngrihet kërkesa „e shkurtimit të dukshëm të procedurës së azilit në Gjermani”, shkruan më tej në gazetë. Kërkesat për azil nga Kosova duhet të shqyrtohen me prioritet
Duke pasur parasysh valën e udhëtimeve jashtë vendit, ambasada gjermane në Prishtinë ngreh alarmin dhe nga Qeveria Federale kërkon masa efektive mediale dhe dëbuese: Në shkresëne 3 shkurtit drejtuar Entit për Punë të Jashtme në Berlin, për të cilin raportoi „Bild am Sonntag“, thuhet se Kosova gjendet para një „eksodi masiv“, i cili „ sidomos në Gjermani mund të ndalet vetëm përmes masave të shpejta ndaluese“.
Vetëm nga kryeqyteti Prishtina çdo ditë marrin „autobusët për në Serbi rreth 500 persona“, që do të thotë se brenda muajit janë rreth 15‘000 persona. Një nëpunës i ambasadës ka parë vetë „ tollovinë për vende të lira në stacionin e autobusve“, thuhet sipas raportit të botuar në „Bild am Sonntag“. Po të vazhdojë ky trend do të duhej jenë rreth 25‘000 – 30‘000 kosovarë në vit që e lëshojnë vendin. Brenda vitit do të jenë rreth 300‘000 persona, apo njëe gjashta e popullsisë së vendit“.
Sipas gazetës, përfaqësia gjermane në Prishtinë kërkon „ dëshmi se azilkërkuesit e refuzuar do të dëbohen menjëherë“. Është i domosdoshëm një „aksion i vendosur i Federatës dhe i Landeve“. Sipas raportit, diplomatët shkruajnë: „ Tek pasi që përmes fluturimeve charter të jetë kthyer një numër i madh i kosovarëve, proceduarat e të cilëve të jenë përnmbyllur brenda pak javësh, do të krijohet bindja se nuk duhet llogaritur me migrim ilegal në Gjermani. „Është krijuar bindja se procedura në Gjermani zgjat aq sa kërkesa për azil t’ia vlejë në aspektin e përfitimit të ndihmave sociale dhe të të ardhurave të mira për disa muaj“.
Nga ambasada ngrihet kërkesa „ e shkurtimit të dukshëm të procedurës së azilit në Gjermani”, shkruan më tej në gazetë. Kërkesat për azil nga Kosova duhet të shqyrtohen me prioritet. Në vitin e kaluar rrugën për Gjermani patën marrë kryesisht „ romët, ashkalinjtë dhe egjiptasit e Kosovës“. Por tash ka filluar të ikë edhe shtresa e mesme, gjë që brenda një kohe të shkurtë do të ketë „ndikime të ndieshme (klasë të zbrazëta, largimet e para të personelit mësimor)“.
Nexhmedin Gerguri
Të ngjashme
Të tjera nga Lajme
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?