Ambasada e Shqipërisë në Austri organizoi pritje të madhe diplomatike dhe kulturore

Ambasada e Republikës së Shqipërisë në Vjenë, të hënën kremtoi 28 Nëntorin, Ditën e Flamurit dhe të Pavarësisë së Shqipërisë, duke organizuar një ceremoni të veçantë festive për të nderuar këtë datë historike, raporton albinfo.at.

Në këtë ceremoni festive për nder të 113- vjetorit të Pavarësisë, morën pjesë Kryetari i Kuvendit të Republikës së Shqipërisë, Niko Peleshi, Ambasadori i Shqipërisë në Austri, Fate Velaj si dhe zonja Englatina Gjermeni, Ambasadore dhe Përfaqësuese e Shqipërisë pranë Organizatave Ndërkombëtare.

Në fjalën e tij përshëndetëse, kryetari i Kuvendit të Shqipërisë, Niko Peleshi, ndër të tjera theksoi: „Motra dhe vëllezër, ju po vazhdoni traditën e shkëlqyer të personaliteteve të shquara të shekullit të kaluar, të cilët u arsimuan në universitetet austriake dhe më pas kontribuan si për Shqipërinë ashtu edhe për Austrinë. Bëhuni qytetar të mirë të këtij vendij vendi dhe tregoni vlerat tona“ nënvizoi kryetari Peleshi, transmeton albinfo.at.

Të pranishmit i përshëndeti edhe ambasadori, Fate Velaj, i cili vlerësoi lartë mardhëniet e shkëlqyera në mes shtetit të Shqipërisë dhe Austrisë. Në këtë soleminitet të pranishëm ishin, edhe përfaqësuesëve të diplomacisë së shteteve mike në Austri, zyrtarë të institucioneve austriake si dhe një numër i madh të komunitetit shqiptar me banim në Austri.