Aksioni për shpërndarjen e kuranit falas, (ende) nuk ndalohet në nivel federal

Qeveria: "Për një ndalim në nivel vendi mungojnë të dhënat konkrete nëse bëhet fjalë për një organizatë të vërtetë që mund të ndalohet"

Më 30 maj 2014, në vendin "Place du Molard", disa libra Kurani ishin duke u shpërndarë. Një flamur mysliman ishte hedhur nga xhihadistët. I alarmuar, shërbimi informativ i Konfederatës ka filluar një investigim.

Aksioni për shpërndarjen falas të librit të shenjtë të myslimanëve, Kuranit, “Lies!” (Lexo) njëherë për njëherë nuk do të ndalohet në nivelin federal. Kështu ka vendosur të enjten Këshilli Federal i Zvicrës, shkruan sda.ch. Por duke iu përgjigjur një mocioni parlamentar (të bërë nga Martin Wobmann i SVP-së) ekzekutivi i vendit ka theksuar se do ta përshëndeste ndalimin eventual që do ta bënin për këtë aksion, kantonet veç e veç.

Këshilli Federal nuk e konteston faktin se aksioni “Lies!” i kontribuon radikalizimit dhe rekrutimit të myslimanëve për xhihad, transmeton albinfo.ch. Por për një ndalim në nivel vendi mungojnë të dhënat konkrete nëse bëhet fjalë për një organizatë të vërtetë që mund të ndalohet. Prandaj, qeveria merr detyrim për të krijuar bazën ligjore lidhur me këtë.

Në mediat zvicerane prej kohësh përflitet mundësia e ndalimit të këtij aksioni. Ai ka nisur në Gjermani dhe pastaj është përhapur edhe në Zvicër dhe bie në sy në zonat për këmbësorë në sheshe qytetesh, ku të rinj myslimanë, me veshje dhe pamje karakteristike, ofrojnë Kuranin pa pagesë.