Bota
Aksidenti me 12 të vdekur në Francë, dënohen dy persona
Pas një aksidenti tragjik në Francë, i cili u kushtoi me jetë dymbëdhjetë shtetasve portugezë, të mërkurën janë dënuar dy persona nga një gjykatë franceze për veprën penale “vrasje në pakujdesi”.
Para Gjykatës franceze në Moulins, janë paraqitur një shtetas 22-vjeçar portugez dhe xhaxhai i tij 44-vjeçar. I riu ka qenë shoferi i furgonit, ndërsa xhaxhai pronar i automjetit. Ata u akuzuan për vrasje të pakujdesshme dhe shkelje të rregullave të sigurisë, përcjell albinfo.ch.
22-vjeçari u dënua me një burgim trevjeçar. Xhaxhait të tij iu shqiptua dënimi prej katër vitesh. Përpos kësaj, atyre iu është konfiskuar edhe patenta e shoferit për pesë vjet dhe ndalimi i ushtrimit të transportit të udhëtarëve.
Në mars të vitit 2016, për Festën e Pashkëve, portugezët kanë marrë rrugën nga Romonti i Friburgut për në vendlindje. Hetuesit francezë kanë ardhur në përfundim se edhe përkundër shikueshmërisë së dobët në rrugë, vozitësi e ka tejkaluar shpejtësinë e lejuar. Përpos kësaj, automjeti ka qenë në kushte jo të rregullta dhe i stërngarkuar.
Në brendinë e furgonit kanë qenë të instaluara karrige të jashtligjshme që nuk i janë përshtatur standardeve të duhura dhe pa rripa të sigurisë, shkruajnë mediat franceze, përcjell Albinfo.ch. Vozitësi gjithashtu nuk ka pasur autorizim ligjor për të transportuar kaq shumë njerëz.
Ndër viktimat ka qenë edhe një familje me një fëmijë shtatëvjeçar. Viktimat kanë qenë me vendbanim në Friburg dhe Grande-Marnand.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte