Aksident tragjik në Itali, vdesin dy vajza shqiptare

Xhesika Gjonaj, 19 vjeçe, Ambra Shaljani, 18 vjeç si dhe dy italianët, Federico B. dhe Riccardo M, ishin të rinjtë që mbetën të vdekur në vend

Një aksident tragjik ndodhi në afërsi të Romës, ku kanë mbetur të vdekur dy meshkuj italianë dhe dy femra shqiptare, raporton albinfo.ch.

 

Ata ishin duke udhëtuar me një makinë “Mini Cooper”, që doli nga rruga dhe u përplas me një murin e një restoranti. Të gjithë kanë mbetur të vdekur në vend, kurse zjarrfikësit nuk kanë arritur të bëjnë asgjë, madje, është dashur orë të tëra që të nxjerrin trupat e tyre.

 

Xhesika Gjonaj, 19 vjeçe, Ambra Shaljani, 18 vjeç si dhe dy italianët, Federico B. dhe Riccardo M, ishin të rinjtë që mbetën të vdekur në vend.

 

“Ishte e tmerrshme, ne mund të bënim asgjë”, ka thënë një prej dëshmitarëve për gazetën italiane “La Repubblica”.

 

Babai i 19-vjeçares shqiptare Xhesika Gjinaj, i cili mbërriti në vendin e aksidentit u shfaq i shikuar dhe mes lotësh para gazetarëve. Ndërsa informonte familjarët me telefon, ai dëgjohej të thoshte i dëshpëruar: “Nuk është më, ka vdekur, Xhesika ka vdekur, ka vdekur!”

 

Gazetarët mund të shkëpusnin prej tij vetëm këto fjalë: “Nuk mund të flas më, është e pamundur. Ishin të gjithë miq, të katër, fëmijë të mbarë. Xhesika ishte një vajzë e mrekullueshme, nuk e di, nuk e di, ishte vajzë e mrekullueshme. Unë kam vdekur, kaq! Më falni”, përfundoi ai mes lotëve.

 

https://www.youtube.com/watch?v=BcBpJKReW8Y

 

---