Aksident hekurudhor, 16 të lënduar

Ilustrim

Një aksident hekurudhor ka ndodhur mbrëmë në linjën në mes të Thalwil-it (Cyrih) dhe Zug-ut. Një bashkëpunëtor i transmetuesit publik të Zvicrës (SRF) që ka qenë në vendin e ngjarjes ka njoftuar se kanë pësuar lëndime të mesme dhe të lehta 16 udhëtarë.

Aksidenti ka ndodhur pas orës 23 të natës së mbrëmshme. Bëhet fjalë për një ndeshje të dy trenave në stacionin hekurudhor në Sihlbrug/ZH. Linja ku ka ndodhur aksidenti është vetëm pjesërisht e kalueshme.

Ende nuk dihet për sa kohë do të ketë pengesa në qarkullim, kështu që njoftohet se duhet llogaritur me vonesa ose mungesa të trenave në këtë pjesë të linjës.