Sporte Luftarake

Akil Gjakova, drejt finales në Kampionatin Evropian

Është bërë e ditur se xhudisti kosovar, Akil Gjakova, ka kaluar në raundin e tretë në Kampionatin Evropian në Lisbonë të Portugalisë.

Ai do të përballet me gjermanin Anthony Zingg, në kategorinë deri në 73 kilogramë, përcjell albinfio.ch.

E plotësuar:

Akil Gjakova ka kaluar në finale në Kampionatin Evropian të xhudos që po mbahet në Lisbonë të Portugalisë.

Kështu, ai i ka siguruar tashmë medalje Kosovës.

Akili e mundi me “ippon” në gjysmëfinale zviceranin, Nils Stump.

Në finale Akili do të ketë punë me izraelitin, Tohar Butbul.

Akili rrethin e parë e kaloi pa luftë, derisa me “ippon” e mundi në atë të dytë izraelitin, Ido Levin, duke e përplasur përtokë.

Ai arriti që ta mund me ippon edhe në rrethin e tretë gjermanin, Anthony Zingg.

Ishte dita e Akilit pasi e mundi në çerekfinale edhe rusin, Musa Mogushkovin, ky i fundit bëri tri gabime.