Lajme
Agjencitë e udhëtimit ofrojnë pajisje për vetëtestim, BAG është kundër
Testi në këtë rast bëhet duke marrë mostrat nga hunda dhe fyti me shtupën përkatëse. Mostrat do të ekzaminohen më pas në një laborator në Kloten
Disa agjenci të udhëtimit janë duke reklamuar pajisjen vetëtestuese për koronavirus. Ideja e cila qëndron prapa kësaj oferte është që të jesh në gjendje të anashkalosh testimin në destinacion dhe të shmangësh stresin e udhëtimit.
Por Zyra Federale e Shëndetit Publik (BAG) këshillon kundër tyre, shkruan Luzerner Zeitung.
Në destinacione të ndryshme si Egjipti, Dubai etj. duhet të dëshmosh një rezultat negativ të testit të koronavirusit Corona, si kusht që të lejohet hyrja në atë vend.
Testi mund të kryhet në aeroport dhe derisa rezultati të arrijë, udhëtarët duhet të futen në karantinë, transmeton albinfo.ch. Që ky stres të shmanget, agjencitë e udhëtimit si Hotelplan, Tui dhe Kuoni tani po ofrojnë komplete vetë-testimi në paketën e rezervimit.
Pajisja për testim ofrohet nga kompania zvicerane “Viselio”. Pakoja që i dërgohet klientit përfshin tampona, një tub mostre, një formular porosie, udhëzime të hollësishme për përdorim dhe një pliko të parapaguar për kthim, përcjell albinfo.ch. Kostoja: 165 franga. Testi tek mjeku kushton 180 franga.
Testi në këtë rast bëhet duke marrë mostrat nga hunda dhe fyti me shtupën përkatëse. Mostrat do të ekzaminohen më pas në një laborator në Kloten.
Por BAG këshillon kundër aplikimit të këtij “autotesti”
Zyra Federale e Shëndetit Publik (BAG) konfirmon efektivitetin e të ashtuquajturave teste PCR, por shprehimisht këshillon që të mos bëhet vetëtestimi në këtë mënyrë, transmeton albinfo.ch. Sipas BAG, marrja e mostrës duhet të bëhet vetëm nga specialistë të mjekësisë.
Një laik nuk është aq i sigurt sa një mjek, prandaj testet nuk mund të kryhen në mënyrë të barabartë në mënyrë efektive.
Drejtori i Përgjithshëm i Viselio, Niklas Zeller kundërshton këtë: “Laboratori ynë ka bërë paraprakisht teste që tregojnë se vetë-testimi nga njerëz të ndryshëm është gjithashtu efektiv”, është shprehur ai për “Luzerner Zeitung”.
Laboratori përgjegjës për analizën është në kontakt të ngushtë me mjekët e kantonit dhe Swissmedic, të cilët kanë dhënë aprovimin për pajisjen, përcjell albinfo.ch. Por: “Testi është menduar për njerëz të shëndetshëm dhe jo për të identifikuar njerëzit e sëmurë”, shton Zeller.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit