Afro 2.5 milionë të infektuar deri më tani në Gjermani

EPA/MARTIN DIVISEK

Gjermania deri më tani ka regjistruar 2,436,506 infektime, që nga fillimi i pandemisë, transmeton albinfo.ch.

Fillimin e pandemisë Gjermania e menaxhoi në mënyrën më të mirë, sa që edhe konsiderohej shteti shembull për menaxhim të pandemisë.

Vala e dytë e virusit e goditi rëndë këtë shtet, si nga ana e infektimeve, ashtu edhe të vdekjeve.

Deri më tani Gjermania numëron 70,421 vdekje nga virusi korona.

Ky shtet ka kryer 43,950,029 testime dhe vazhdon të bëjë teste në numër të madh.

Në muajin shkurt Gjermania kishte trend rënie të infektimeve dhe vdekjeve. Shumica e bizneseve vazhdojnë të qëndrojnë të mbyllura dhe masat strikte të jenë prezente.

Në muajin mars priten disa lehtësime të masave, nëse numri i infektimeve nuk ka rritje, sipas qeverisë federale gjermane. /Albinfo.ch