Aeroporti i Bazelit, me teste për Covid-19

Duke filluar nga 1 gushti, pasagjerët që vijnë në Bazel nga Turqia, Izraeli dhe Serbia u kërkohet të bëjnë një test për koronavirus

Aeroporti është teknikisht në territorin francez, por ndodhet vetëm 3,5 kilometra larg qytetit zviceran të Bazelit, kështu që shërben si për udhëtarët me Francën, ashtu edhe me Zvicrën.

Sipas autoriteteve të aeroportit, testet kryhen “në përputhje me legjislacionin francez”, shkruan The Local, përcjell albinfo.ch.

Nga 1 gushti, këto teste “janë imponuar nga autoritetet franceze për të gjithë pasagjerët që vijnë në EuroAirport” nga vendet që Franca konsideron se janë në rrezik për shkak të numrit të madh të infeksioneve koronavirus.

“Aktualisht, kjo vlen për ardhjet nga Izraeli, Serbia dhe Turqia”, përcjell tutje albinfo.ch.

Testet janë kryer nga autoriteti shëndetësor rajonal i Francës, Agence Régionale de Santé Grand Est, direkt në aeroport para kontrollit të pasaportave.

Zyrtarët e aeroportit vunë re se ndërsa “testi negativ Covid-19 liron udhëtarët në Francë nga kërkesa për karantinë, ky nuk është rasti për udhëtarët në Zvicër”.

Kjo për shkak se Zvicra ka një karantinë të detyrueshme 10-ditore për ardhjet nga 42 vende, ku shkalla e infektimit të të cilave është më e lartë se ajo e Zvicrës ose e BE-së, përcjell tutje albinfo.ch.

Edhe Izraeli, edhe Serbia janë në listë

EuroAirport aktualisht është aeroporti i vetëm zviceran ku po kryhen testet Covid-19. Nuk ka asnjë testim të detyrueshëm në aeroportet e Gjenevës dhe Cyrihut.

Disa nga politikanët e vendit kanë bërë thirrje që të gjitha ardhjet në Zvicër të testohen, duke ndjekur shembullin e aeroporteve në Gjermani dhe Austri, të cilat u ofrojnë të kthyerve nga vendet me rrezik të lartë një test koronavirusi. Nëse këta pasagjerë tregojnë rezultate negative, ata mund të hyjnë në vend pa një karantinë.

Sidoqoftë, Zyra Federale e Shëndetit Publik (BAG) tha se “një rezultat negativ i testit nuk përjashton nga kërkesa e detyrueshme e karantinës ose të shkurtojë periudhën e karantinës”.

Arsyeja, tha BAG, është se “një rezultat negativ i testit nuk përjashton një infeksion. Është e nevojshme të prisni të paktën pesë ditë që virusi të përhapet në trup dhe që ai të zbulohet nga një njollë”.

---