Kosova
A mund t’i shkarkojë ministrat e LDK-së Albin Kurti?
Albin Kurti pritet të votohet si kryeministër i ri i Republikës së Kosovës nga deputetët e Vetëvendosjes, LDK-së, nga pakicat joserbe e ndoshta edhe nga pakicat serbe.
Dje, oponenti kryesor i Kurtit nga LDK-ja, Agim Veliu, u propozua nga partia e tij në ministrinë më të rëndësishme qeveritare bazuar në programin e harmonizuar mes të dyja partive, atë të Punëve të Brendshme.
Por, a mund ta shkarkojë Kurti Agim Veliu, apo ndonjëri prej ministrave, zv.kryeministrit apo zv.ministrave që vijnë nga LDK-ja?
Përgjigjja për këtë pyetje ndodhet në marrëveshjen për bashkëqeverisje mes këtyre dy partive.
Është saktësisht paragrafi që flet për “Emërimin dhe shkarkimin e anëtarëve të Qeverisë dhe zyrtarëve/trupave të tjerë që emërohen dhe shkarkohen nga Qeveria”.
Në këtë pikë marrim përgjigjen e prerë për pyetje: JO. Kurti nuk mund ta shkarkojë as Veliun e as ndonjë ministër apo zyrtar tjetër të Qeverisë nga radhët e LDK-së, shkruan Insajderi.
“Zëvendëskryeministrat, ministrat dhe zëvendësministrat i propozohen Kryeministrat nga Kryetari i subjektit politik me të cilin është bërë marrëveshja e koalicionit. Të njëjtit mund të shkarkohen nga Kryeministri në konsultim me Kryetarin e subjektit politik, me të cilin është bërë marrëveshja e koalicionit, bazuar në një arsyetim që e pranon Kryetari i subjektit politik me të cilin është bërë marrëveshja e koalicionit. E njëjta gjë vlen për të gjithë të emëruarit e tjerë nga Qeveria”, shkruhet aty.
Pra, nisur nga kjo gjë mund të thuhet se Kurti nuk mund ta shkarkojë asnjë ministër, zv.kryeministër apo zv.ministër nga LDK-ja edhe në qoftë se ndonjë prej tyre abuzon me pushtet. Një gjë e tillë e lë Kurtin si kryeministër me fuqi të pjesshme, sepse fuqia tjetër i takon krejtësisht Mustafës, përcjell albinfo.ch.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik