Haxhiu raportohet se ka ftuar në Presidencë familjet e ish-krerëve të UÇK-së

Ushtruesja e detyrës së presidentes së Kosovës, Albulena Haxhiu, raportohet se ka ftuar në një takim familjarët e ish-drejtuesve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.

Sipas raportimeve të mediave, duke u thirrur në burime brenda Presidencës, takimi pritet të zhvillohet gjatë kësaj jave, pas aktgjykimit të Dhomave të Specializuara në Hagë.

Deri tani nuk janë bërë të ditura detaje lidhur me temat që pritet të diskutohen në takim, ndërsa nuk është konfirmuar as data e saktë e mbajtjes së tij.

Ndërkohë, në Prishtinë pritet të mbahet edhe protesta e shtatë në sheshin “Skënderbeu”, pas shpalljes së aktgjykimit. Protesta kundër vendimit të Dhomave të Specializuara janë zhvilluar edhe në disa vende të Evropës.