Kumbaro u bën thirrje prindërve në diasporë: Regjistroni fëmijët në shkollat shqipe

Ministrja shqiptare Mirela Kumbaro Furxhi u ka bërë thirrje prindërve shqiptarë që jetojnë jashtë vendit që t’i regjistrojnë fëmijët e tyre në shkollat dhe kurset e gjuhës shqipe që organizohen në diasporë, përcjell albinfo.ch.

“Regjistrohu në shkollat shqipe në diasporë!”, thuhet në thirrjen e publikuar nga Kumbaro në rrjetet sociale.

Ajo fton të gjithë prindërit shqiptarë që jetojnë jashtë Shqipërisë të regjistrojnë fëmijët e tyre në shkollat dhe kurset ku mësohet gjuha shqipe.

“Mësimi organizohet në shumë vende të botës dhe është një mundësi e shkëlqyer për fëmijët që të lidhen me gjuhën, kulturën dhe rrënjët e tyre shqiptare”, thuhet në njoftim.

Regjistrimet për ndjekjen e mësimit në gjuhën shqipe janë tashmë të hapura.

Përmes mësimit plotësues të shqipes, fëmijët që rriten jashtë trojeve shqiptare kanë mundësi jo vetëm të mësojnë dhe përmirësojnë gjuhën amtare, por edhe të ruajnë lidhjen me kulturën dhe identitetin shqiptar.

Informacionet për shkollat shqipe në diasporë dhe regjistrimin mund të gjenden në platformën zyrtare të Qendrës së Botimeve për Diasporën.

shkollat-shqipe-ne-diaspore