Gjuha
Shkollat speciale për fëmijët e Kosovës, model për refugjatët
Si model suksesi, Zemp e sheh qasjen që ka pasur Zvicra me shkollimin e fëmijëve të refugjatëve nga Kosova gjatë viteve 1998/99
Organizata çati e shoqatave të mësimdhënësve të Zvicrës kërkon shtim fondesh për të punuar në integrimin fëmijëve të refugjatëve. Gjatë muajit të kaluar ka pasur një shtim të theksuar të numrit të refugjatëve që kanë ardhur në Zvicër dhe kjo ka ngritur shqetësimin e mësimdhënësve lidhur me trajtimin e fëmijëve të moshës shkollore. Shkolla luan rolin kyç në integrimin e fëmijëve, ka thënë për srf kryetari i organizatës së përmendur, Beat Zemp.
Ajo çfarë kërkohet është shtimi i përpjekjeve për mësimin e gjuhës, socializimin dhe tejkalimin e traumave të luftës te këta fëmijë, ka thënë Zemp. Dhe për ta bërë këtë, shkollës i nevojiten resurse të mjaftueshme. Prandaj, federata dhe kantonet duhet ta dinë se masat e kursimit në shkolla nuk shkojnë bashkë me integrimin e fëmijëve të refugjatëve, thuhet në një letër të lidhjes së mësimdhënësve të Zvicrës.
Por Sekretariati Shtetëror për Migracion (SEM) duke reaguar ka bërë me dije federata tashmë është duke u paguar kantoneve nga 6000 franga për person. Krahas këtyre shumave, paguhet edhe një pagesë paushalle prej 1200 frangash në muaj për azilkërkuesit. Prandaj, kantonet janë të lira që këto para t`i shfrytëzojnë edhe për shkollimin e refugjatëve.
Nga ana tjetër, Zemp e sheh me optimizëm situatën në rast se financimi do të ketë sukses. Ai si model për sukses e sheh qasjen që ka pasur Zvicra me shkollimin e fëmijëve të refugjatëve nga Kosova gjatë viteve 1998/99. “Atëbotë ne patëm treguar sukses shumë të mirë në integrimin e tyre.
Konferenca e drejtorëve kantonalë të arsimit u pati rekomanduar kantoneve që në kushtet e ardhjes së një numri të madh të refugjatëve, të hapnin klasa speciale në qendrat federale të pranimit të refugjatëve që do të zgjasnin nga 12 deri në 15 muaj për fëmijët e refugjatëve. Këto klasa pastaj ishin financuar nga federata”.
Edhe në SEM janë të hapur për propozime të tilla. Kështu tashmë ekziston një projekt pilot për mësimdhënie në qendrën federale të pranimit në Bremgarten.
Ndërkaq Zemp e sheh një sfidë më tepër për mësuesit sa u përket refugjatëve aktualë, në krahasim me krizën e Kosovës të viteve 90. Po vjen duke u shtuar numri i tinejxherëve pa prindër që po kërkojnë azil në Zvicër. “Integrimi i këtyre të rinjve paraqitet jashtëzakonisht i vështirë pasi që mungojnë strukturat familjare”. Ai shpreson se edhe kjo sfidë mund të përballohet por shton se “vetëm shkolla nuk mjafton. Nevojitet ndihma e shoqërisë si tërësi”.
Të ngjashme
Të tjera nga Gjuha
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidatja austriake për eurodeputete viziton Zubin Potokun Kandidatja austriake për eurodeputete, Kati Schneeberger, ka vizituar të dielën Komunën e Zubin Potokut. Ajo është...
-
Kandidati për eurodeputet, Lukas Mandl vizitoi meshën shqipe në Vjenë
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?