250-vjetori i Pavarësisë së SHBA-së bashkon në Cyrih elitën e biznesit, sportit dhe diplomacisë, me pjesëmarrje edhe të sipërmarrësve shqiptaro-zviceranë

Ashtu si në aktivitetet e mëparshme të SBN-së, edhe kësaj radhe nuk mungoi përfaqësimi i suksesshëm i komunitetit shqiptaro-zviceran. Në mesin e të pranishmëve ishte edhe ambasadori i Republikës së Kosovës në Zvicër, Mentor Latif, ndërmarrësit Gëzim Hasani, CEO i smzh AG, si dhe Esat Lika, CEO i Lika Group.

Personalitete nga bota e biznesit, diplomacisë dhe sportit u mblodhën në Cyrih, në një ngjarje e organizuar nga Sport Business Network (SBN) në bashkëpunim me Ambasadën e Shteteve të Bashkuara në Zvicër.

Takimi u organizua për të shënuar 250-vjetorin e Deklaratës së Pavarësisë së Shteteve të Bashkuara, partneritetin e gjatë mes Zvicrës dhe SHBA-së, si dhe rrugëtimin drejt Kampionatit Botëror FIFA 2026, që po zhvillohet në SHBA, Kanada dhe Meksikë.

Në panelin kryesor morën pjesë Gary Nagle, CEO i Glencore, kampionia olimpike zvicerane Corinne Suter dhe ish-ndihmëstrajneri i kombëtares së Zvicrës, Giorgio Contini, të cilët diskutuan mbi lidershipin, biznesin dhe sportin.

Në mesin e mysafirëve të nderit ishte edhe Callista L. Gingrich, ambasadore e Shteteve të Bashkuara në Zvicër dhe Lihtenshtajn, si dhe ambasadori i Republikës së Kosovës në Zvicër, Mentor Latifi. Pjesë e eventit ishte edhe ish-piloti i Formula 1, Nick Heidfeld, së bashku me personalitete të shumta nga bota e sportit dhe ekonomisë.

Ashtu si në aktivitetet e mëparshme të SBN-së, edhe kësaj radhe nuk mungoi përfaqësimi i suksesshëm i komunitetit shqiptaro-zviceran. Në mesin e të pranishmëve ishin Gëzim Hasani, CEO i smzh AG, si dhe Esat Lika, CEO i Lika Group.

Sport Business Network, i themeluar nga sipërmarrësi shqiptaro-zviceran Besfort Bilalli, vazhdon të konsolidohet si një platformë që lidh liderët e sportit, biznesit dhe institucioneve, duke krijuar hapësira për rrjetëzim, shkëmbim përvojash dhe bashkëpunime ndërkombëtare.

Ngjarja konfirmoi edhe një herë rolin e SBN-së si një nga platformat më prestigjioze të networking-ut në Zvicër, ku marrin pjesë figura të rëndësishme nga ekonomia, diplomacia dhe sporti, ndërsa prania e sipërmarrësve shqiptaro-zviceranë dëshmon pozicionin gjithnjë e më të rëndësishëm të diasporës shqiptare në këto rrjete elitare.

 

View this post on Instagram

 

A post shared by Besfort Biljali (@besfortbiljali)

 

---