Forcës së Sigurisë së Kosovës iu shtuan 12 oficerë të rinj

Diplomon gjenerata 2026 e kadetëve të FSK-së, mbahen ceremonitë në Prishtinë

Gjenerata e vitit 2026 e kadetëve të Forcës së Sigurisë së Kosovës (FSK) ka diplomuar këtë të premte në një ceremoni të organizuar në Prishtinë, përcjell albinfo.ch.

Në ceremoni diplomuan 12 kadetë, të cilët përfunduan me sukses shkollimin dhe trajnimin e tyre ushtarak, duke iu bashkuar radhëve të oficerëve të rinj të FSK-së.

Të pranishëm në këtë ngjarje ishin ushtruesja e detyrës së presidentes, Albulena Haxhiu, kryeministri në detyrë, Albin Kurti, si dhe ministri në detyrë i Mbrojtjes, Ejup Maqedonci.

Ceremonia u zhvillua në atmosferë solemne, duke shënuar një hap të rëndësishëm në përgatitjen e kuadrove të reja të Forcës së Sigurisë së Kosovës. /Albinfo.ch

---