KQZ sqaron rregullat e votimit me kusht për zgjedhjet e 7 qershorit

KQZ tregon si do të organizohet votimi me kusht në zgjedhjet e 7 qershorit

Komisioni Qendror i Zgjedhjeve (KQZ) ka bërë të ditur mënyrën e organizimit të votimit me kusht për zgjedhjet parlamentare që do të mbahen më 7 qershor në Kosovë, përcjell albinfo.ch.

Sipas njoftimit të KQZ-së, procesi zgjedhor do të zhvillohet në të gjitha 38 komunat e vendit, përmes gjithsej 949 qendrave të votimit.

KQZ ka sqaruar se qytetarët që kanë nevojë të votojnë me kusht do të kenë mundësi ta bëjnë këtë në cilëndo komunë të Republikës së Kosovës.

Megjithatë, në secilën komunë do të jetë e përcaktuar vetëm një qendër votimi për votimin me kusht, e cila do të shërbejë për realizimin e këtij procesi zgjedhor.

Votimi me kusht zakonisht u mundësohet qytetarëve që për arsye të ndryshme nuk figurojnë në listën e rregullt të votuesve në vendvotimin ku paraqiten për të votuar.

 

 

---