Influencerja shqiptare: Familja më përjashtoi sepse u lidha me një jo-shqiptar

@pixabay

Influencerja gjermane me origjinë shqiptare, Zana, ka rrëfyer në rrjetet sociale historinë e saj personale, duke treguar se familja e përjashtoi pasi nisi një lidhje me një partner që nuk është shqiptar.

Ajo shprehet se lidhja e tyre u mbajt e fshehtë për vite me radhë nga frika e reagimit të familjes. Sipas Zanas, pas zbulimit të marrëdhënies, ajo u përball me presion emocional, kërcënime dhe humbi mbështetjen familjare.

“Brenda një dite mbeta pa shtëpi dhe pa siguri”, ka deklaruar ajo në një video në TikTok.

Pas periudhës së vështirë emocionale dhe financiare, influencerja vendosi të largohej nga Gjermania dhe të nisë një jetë të re në Qipro, transmeton albinfo.ch.

Historia e saj ka marrë vëmendje të madhe në rrjetet sociale, ku shumë persona kanë ndarë përvoja të ngjashme lidhur me marrëdhëniet ndërkulturore dhe kundërshtimin nga familjet tradicionale.