Lajme
Hungari: Vazhdon ndërtimi i gardhit për të parandaluar refugjatët

Autoritetet hungareze vazhdojnë ndërtimin e gardhit me tela në kufirin me Serbinë, i cili duhet të parandalojë hyrjen e refugjatëve nga vendet aziatike dhe afrikane në Hungari.
Deri më tash kanë përfunduar 50 kilometra dhe gardhi përbëhet nga dy pjesë: përveç telave të thjeshtë, të lartë 3.5 metra, është vendosur edhe i ashtuquajturi gardh i NATO-s, me tela me gjemba.
Sipas të dhënave të policisë hungareze, në qytetin kufitar Çongrad numri i migrantëve që hyjnë në Hungari tani është dyfish më i vogël.
Mediat hungareze thonë se gardhi po ndërtohet në të njëjtën kohë në 13 pika të kontrollit përgjatë kufirit me Serbinë, ndërsa gjatësia përfundimtare do të arrijë në 177 kilometra.
Punët duhet të kryehen në fund të gushtit, ndërsa nga Qeveria hungareze njoftojnë se do të angazhohen edhe disa mijëra policë për të kontrolluar kufirin me Serbinë.
Gardhi tani është i dukshëm edhe nga ana serbe e kufirit, pranë kalimit kufitar Ashothalom.
Sipas medieve hungareze, pikat e dobëta të tyre janë edhe kalimet hekurudhore, ashtu si edhe lumi Tisa, përmes të cilit migrantët mund të notojnë në anën tjetër.
Siç raportojnë mediet hunagareze, aktualisht në fshatin Baçki Vinogradi kalojnë 200-300 migrantë në ditë, ndërsa më herët kjo shifër ka arritur deri në një mijë.
Përndryshe, Hungaria, me qëllim të mbrojtjes më të mirë të kufijve të saj dhe kontrollit më të madh të lëvizjes së migrantëve, në fillim të vitit ka nënshkruar marrëveshje me ministritë e brendshme të Gjermanisë dhe Austrisë për bashkëpunim dhe koordinim të përbashkët në luftën kundër migracionit të paligjshëm.
Sipas të dhënave zyrtare, në Hungari për shtatë muaj të këtij viti janë regjistruar 110.000 refugjatë, gati tri herë më shumë se gjatë gjithë vitit të kaluar.
E-Diaspora
-
Burgim i përjetshëm për shqiptarin, ka vrarë bashkatdhetarin e tij Në shkurt të vitit 2024, personi tashmë i vrarë ia kishte kafshuar veshin e djathtë të...
-
Si mund të votojnë shqiptarët jashtë vendit për Shqipërinë në Eurovision 2025?
-
Nga Suedia, Rina Januzi nominohet në “Netët e Klipit Shqiptar 2025”
-
Dega e LDK-së në Zvicër shënoi 35-vjetorin e saj
-
Gjenevë: Anjeza Maqani diplomon me dy tituj në Universitetin Webster
Jeta në Austri
-
Pesë mënyra se si mund të kurseni para kur blini ushqim në Austri Nga pazaret e tregut te programet e besnikërisë së supermarketeve, ka shumë mënyra për t’i bërë...
-
Vjena sheh rritje 30% të rasteve të mbidozës së drogës tek adoleshentët
-
Gjërat që nuk mund t’i mbani në makinën tuaj në Austri
-
Austriakët arritën rekord prej 27.5 milionë udhëtime pushimesh
-
Domethënia e zgjedhjeve të Vjenës për të huajt, sezoni i alergjive dhe ngjarjet kryesore të javës në Austri