Lajme
Shqipëria me përfaqësim dinjitoz në Panairin Ndërkombëtar të Librit në Leipzig
Letërsia shqiptare në qendër të vëmendjes ndërkombëtare gjatë panairit të mbajtur më 19–22 mars
Shqipëria u prezantua me dinjitet në Panairin Ndërkombëtar të Librit në Leipzig, i cili u mbajt nga 19 deri më 22 mars, duke krijuar një hapësirë të rëndësishme për promovimin e letërsisë dhe kulturës shqiptare në një nga ngjarjet më prestigjioze të librit në Evropë, transmeton albinfo.ch
Pjesëmarrja u realizua përmes Qendrës Kombëtare të Librit dhe Leximit, e cila organizoi prezantimin e botimeve dhe autorëve shqiptarë, duke sjellë një panoramë të pasur të krijimtarisë letrare bashkëkohore. Gjatë ditëve të panairit, stenda shqiptare tërhoqi një numër të konsiderueshëm vizitorësh, përfshirë bashkatdhetarë dhe lexues ndërkombëtarë, duke reflektuar një interes në rritje për letërsinë shqipe.
Ministri i Turizmit, Kulturës dhe Sportit, Blendi Gonxhja, vlerësoi këtë pjesëmarrje si një mundësi të rëndësishme për forcimin e bashkëpunimit kulturor dhe promovimin e vlerave kombëtare. Ai theksoi se autorët, botimet e përzgjedhura dhe aktivitetet e organizuara kontribuan në një prezantim dinjitoz të Shqipërisë në arenën ndërkombëtare të librit.
Pjesëmarrja e këtij edicioni u zhvillua nën temën “Kur historitë na lidhin”, një koncept që thekson rolin e letërsisë si urë komunikimi mes kulturave dhe si mjet për ndarjen e përvojave njerëzore. Kjo moto reflekton qasjen e panairit për të nxitur dialogun ndërkulturor dhe për të sjellë në vëmendje zëra të ndryshëm letrarë nga e gjithë bota.
Në kuadër të bashkëpunimit me rrjetin evropian Traduki, Shqipëria prezantoi botimet e saj më të reja në një hapësirë të përbashkët, duke vënë në pah vlerat e letërsisë shqipe dhe trashëgiminë e pasur kulturore që ajo përfaqëson.
Kjo pjesëmarrje konfirmon përkushtimin e institucioneve shqiptare për promovimin e kulturës dhe letërsisë kombëtare në skenën ndërkombëtare, duke forcuar njëkohësisht lidhjet me lexuesit dhe partnerët kulturorë në Evropë dhe më gjerë./Albinfo.ch
E-Diaspora
-
Japoni
Edisa Shoshi diplomon në Master në Universitetin e Tokios E reja kosovare përfundon me sukses studimet në Universitetin e Tokios, duke u shndërruar në një... -
Gjermani
I jepet sot lamtumira e fundit 17-vjeçarit nga Kosova që vdiq pas aksidentit në Gjermani -
Londër
Kushtet e pasigurta të punës, shkaku kryesor i vdekjes së 19-vjeçarit shqiptar në Angli -
Erdhi për pushime në Kosovë, mërgimtari vritet nga e dashura -
Gjermani
Gjermani: Ndërron jetë 3-vjeçari nga Kosova pas rënies në lum
Jeta në Austri
-
Tragjedia e Vjenës: I lënduari është Nazmi Muharremi – flet vëllai që ia shpëtoi jetën “Ndihmomë o vëlla se vdiqa”... -
Në Vjenë ndizen qirinj për viktimat e aksidentit tragjik -
Austri: Kosovarja shkakton aksident me makinë, lëndohet rëndë çiklistja -
Janë nisur drejt Kosovës trupat e viktimave nga aksidenti në Vjenë -
Austri: Dialektet do të mësohen në kurset e reja të integrimit











