Integrimi
S`ka pasaporta zvicerane pa zotërim të gjuhës
Me të renë ashpërsohen një numër kriteresh për fitimin e shtetësisë zvicerane. Në mesin e tyre është edhe nënshkrimi i marrëveshjes për lojalitet me shtetin
Pasi që më 20 qershor parlamenti kishte miratuar ligjin e rishikuar të fitimit të shtetësisë (natyralizimit), Këshilli Federal ka shpallur hapjen e konsultave lidhur me projektligjin mbi rregullimin e çështjes së natyralizimit. Rregullorja e re trajton në veçanti kriteret kryesore sa i përket integrimit, që duhen plotësuar si kusht për të fituar pasaportën zvicerane. Do të bëhet po ashtu edhe përshtatja e taksave që duhen paguar për natyralizim, thuhet në një komunikatë të SEM (Sekretariati Federal për Migracion).
Ligji i rishikuar parasheh që mund të natyralizohet ai i huaj që zotëron lejen e përhershme të qëndrimit (viza C), që jeton në Zvicër prej më se paku dhjetë vitesh dhe që është i integruar në këtë vend, transmeton albinfo.ch. Ndërsa i integruar konsiderohet se është ai person që dëshmon njohjen e një gjuhe të vendit, që respekton sigurinë dhe rendin publik, u kushton kujdes dhe vlerave të Zvicrës të përshkruara në Kushtetutën Federale, merr pjesë në jetën ekonomike dhe kujdeset për integrimin e familjes së tij. Veç kësaj, kandidatët për natyralizim duhet të jenë të familjarizuar me rrethanat e jetës në Zvicër dhe nuk guxojnë të kërcënojnë sigurinë e brendshme dhe të jashte të Zvicrës.
Rregullorja mbi natyralizimin konkretizon po ashtu kriteret kryesore për të plotësuar kriterin e integrimit. Sa i përket njohjes së njërës gjuhë të vendit, me ligjin e rishikuar precizohet si kriter njohja e gjuhës (me gojë) në nivelin B1 ndërsa me shkrim A2, sipas kornizës GER për njohjen e gjuhëve që vlen në gjithë Evropën.
Këshilli Federal insiston edhe në kushtin që i natyralizuari nuk guxon të jetojë me ndihma sociale dhe të ketë ndonjë precedencë penale, përcjell albinfo.ch njoftimin e SEM. Edhe sipas ligjit aktual dënimet janë pengesa për marrjen e pasaportës zvicerane, ndërsa çështja e varësisë nga ndihmat sociale është theksuar më shumë në ligjin e rishikuar.
Risi në këtë ligj të rishikuar sipas propozimit të qeverisë do të jetë nënshkrimi i deklaratës së lojalitetit. Aty i nënshkruari zotohet për respektimin e parimeve themelore të kushtetutës dhe të rendit liberal demokratik të Zvicrës
Të tjera nga Integrimi
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?