Furra tradicionale në Cyrih mbyll degën pas vetëm një viti

Shitje shumë të ulëta dhe mungesë klientësh, sidomos gjatë fundjavave dhe pushimeve, detyrojnë biznesin e njohur të mbyllë pikën e re të hapur në Dübendorf.

Furra tradicionale zvicerane Bäckerei‑Conditorei Fleischli ka vendosur të mbyllë një nga degët e saj në Dübendorf, vetëm një vit pasi ishte hapur, përcjell albinfo.ch.

Dyqani ishte inauguruar më 3 prill 2025, me synimin për të zgjeruar praninë e këtij biznesi të njohur në rajonin e Zurich. Megjithatë, sipas drejtuesve të kompanisë, aktiviteti nuk arriti të përmbushë pritshmëritë financiare.

Qarkullimi ditor në këtë pikë shitjeje ishte rreth 500 franga zvicerane, shumë më pak se sa ishte parashikuar fillimisht. Mungesa e klientëve ishte veçanërisht e theksuar gjatë fundjavave dhe periudhave të pushimeve, kur dyqani shpesh mbetej pothuajse i zbrazët.

Për shkak të këtij performimi të dobët, kompania vendosi të tërhiqet nga kjo lokacion dhe të përqendrohet në degët e tjera ku kërkesa është më e qëndrueshme.

Vendimi për mbylljen e kësaj pike tregon edhe sfidat me të cilat përballen bizneset lokale në sektorin e furrave dhe ëmbëltoreve, ku kostot e larta dhe ndryshimet në sjelljen e konsumatorëve mund ta bëjnë të vështirë mbajtjen e dyqaneve të reja në treg. /Albinfo.ch

---