Gjermania mbështet Policinë e Maqedonisë me donacion prej 600 mijë eurosh

Automjete, pajisje teknike dhe sisteme të avancuara për forcimin e kontrollit kufitar dhe luftën kundër krimit të organizuar

Republika Federale e Gjermanisë ka dhuruar pajisje dhe automjete për Policinë e Maqedonisë së Veriut në vlerë prej rreth 600 mijë eurosh, me qëllim forcimin e kapaciteteve operacionale dhe teknike të institucioneve të sigurisë, transmeton albinfo.ch.

Ceremonia e dorëzimit të donacionit u zhvillua në ambientet e Ministria e Punëve të Brendshme e Maqedonisë së Veriut, me pjesëmarrjen e ministrit Pançe Toshkovski dhe ambasadores së Gjermania në Shkup, Petra Dreksler.

Donacioni përfshin automjete patrullimi, kamera termovizive, pajisje dhe softuer kompjuterik, mjete të specializuara për kontrollin e dokumenteve, si dhe automjete speciale për njësinë ajrore. Sipas autoriteteve, pajisjet janë siguruar gjatë periudhës së kaluar në kuadër të bashkëpunimit dypalësh ndërmjet dy vendeve.

Nga Ministria bëjnë të ditur se mbështetja do të kontribuojë në rritjen e efikasitetit në menaxhimin e kufijve, luftën kundër trafikimit të qenieve njerëzore dhe kontrabandës me emigrantë, si dhe në avancimin e analizës kriminale, inteligjencës dhe ekzaminimeve forenzike.

Ky donacion konsiderohet si pjesë e vazhdimësisë së bashkëpunimit ndërkombëtar në fushën e sigurisë, me theks të veçantë në forcimin e kapaciteteve institucionale dhe përballimin e sfidave të migracionit dhe krimit të organizuar./Albinfo.ch

---