Rita Ora shkëlqen në Red Sea International Film Festival

Rita Ora ndër yjet më të komentuara në Red Sea International Film Festival

Këngëtarja shqiptaro-britanike Rita Ora ishte ndër figurat më të komentuara të mbrëmjes në edicionin e sivjetëm të Red Sea International Film Festival, i cili po zhvillohet nga 4 deri më 13 dhjetor në distriktin historik Al-Balad, në Jeddah, përcjell albinfo.ch.

Tapeti i kuq i së enjtes mblodhi personalitete të mëdha të kinemasë botërore – nga Hollywood-i te Bollywood-i, e deri te industria filmike e Lindjes së Mesme. Ndër të ftuarit spikasin emra si Adrien Brody, Queen Latifah, Kirsten Dunst, Jessica Alba, Uma Thurman, Ana de Armas dhe Daniel Kaluuya, ndërsa vëmendje të madhe mori edhe artistja shqiptare Rita Ora.

Rita u paraqit me një fustan të zi elegant me detaje të guximshme dhe linja moderne, ndërsa flokët e kapur lart i dhanë paraqitjes një prekje klasike e të sofistikuar. Shumë prej mediave e renditën ndër dukjet më të spikatura të mbrëmjes.

Në një reagim në rrjete sociale, ajo falënderoi ekipin e saj për mbështetjen dhe tregoi se para çdo paraqitjeje në tapetin e kuq “gjithmonë zhvillon një bisedë me veten”, duke e përshkruar momentin si emocional dhe motivues.

Red Sea International Film Festival vazhdon të mbetet një nga ngjarjet më të rëndësishme kulturore në rajon, duke promovuar filma, talente dhe projekte ndërkombëtare nga e gjithë bota.

---