Granit Xhaka pritet ta udhëheqë përfaqësuesen e Zvicrës në Prishtinë

Foto Albinfo: Genti Mersinaj

Kapiteni Granit Xhaka pritet të jetë titullar për Zvicrën në ndeshjen e 18 nëntorit ndaj Kosovës në stadiumin “Fadil Vokrri”, përcjell albinfo.ch. 

Selektori i Zvicrës, Murat Yakin, shpalli të mërkurën listën për dy ndeshjet e fundit kualifikuese për Kupën e Botës 2026. Zvicra më 15 nëntor do të presë Suedinë në Gjenevë, ndërsa tre ditë më pas do të luajë ndaj Kosovës. Xhaka pritet të startojë në të dy përballjet, edhe pse skuadra do të jetë pa mesfushorin kryesor Remo Freuler.

Prej futbollistëve shqiptarë, janë ftuar edhe Adrian Bajrami dhe Andi Zeqiri.

Pas shtatë ndeshjeve, Zvicra udhëheq grupin me 10 pikë, ndërsa Kosova ka 7, Sllovenia 3 dhe Suedia vetëm 1 pikë. Zvicra synon kualifikimin direkt përmes vendit të parë, ndërsa vendi i dytë çon në barazh. Nëse Zvicra nuk fiton ndaj Suedisë dhe Kosova fiton në Lubjanë ndaj Sllovenisë, përballja në Prishtinë mund të vendosë direkt vendin e parë në grup.